Overblog Suivre ce blog
Editer l'article Administration Créer mon blog

 Réda Almoussaoui

Réda Almoussaoui

حب .. نبيذ و صلاة للشاعر المغربي رضا الموسوي


دولة الننمم

Publié par Réda Almoussaoui sur 7 Juin 2017, 19:10pm

Catégories : #مقالة

دولة الننمم

دولة الننمم ..
مومكن تقبل من انسان عادي يقول .. كل هادشي لي واقع ف البلاد سبابو الحاشية لي دايرة بالماليك .. ماكايخبروهش اش واقع و المصائب لي كاينة و الميزيرية لي عايشين فيها الثولوثاين د الشعب .. ايه مومكين نتفهم هاد الفهامة باعتيبار الماليك صورتو مرشومة ف الذاكرة و هو امير المومنين و نظريا ما يمكنش يكون عارف هاذ الظلم كامل ف المغرب و ساكت .. اوكي .. لكن باش استاذ دكتور محامي طبيب مهندس طاليب جامعي مناضل متحزب رئيس جمعية فاعل حقوقي يساري اسلامي بوكليب الكحل .. يقول هاد الكللام .. راه فعلا وصلنا ف البلاد الى مستوى د التكلاخ لي ما عندوش مثيل .. كيفاش ماعارفش علاش هو مليك علاش هو مسؤول .. المنطق و طبيعة الدولة المخزنية المغربية كايقولو ان مؤسسة الملك هي محور الحكم ف اتخاد القرار و الان ولات محور القرار الاقتصادي ايضا .. اذن احترموا عقولنا و ايضا شغلوا عقولكم الله يرحم باباكوم .. هو يعرف كل شيء و هو مسؤول عما يقع و الا سننقص من شخصه اذا كان لا يعرف حقا .. اشنو الحل الاان ؟؟ واش كتتخيلو دولة لي كاتحاكم الزفزافي و تتاهمو بتلقي تمويل خارجي فقط لانه تلقى 2700 درهم منم شي صديق برا راه نص ريافة ف الخارج هولاندا و المانيا و بلجيكا كون عولو على المغريب كون ماتوا بالجوع قبل ما يسميهوم الحسن الثاني الاوباش .. نص الريف يعيش بالتكافل الاسري واش ا عباد الله هادا تمويل ثورة .. واش قضاء هذا ولا سكويلة د الخوشيبات .. كل المؤشرات كتقول ان احرار و حرائر الريف حاسبينها مزيان و متشبتين بسلميتهوم و بنقاءهوم و باعتماد على ممكناتهوم البسيطة لي بانت ف بيت الزفزافي .. و هذا داير مشكيل للنظام لي باغي يورطهوم دون فائدة .. اذن واش ممكن يكون عفو ملكي و علاياش العفو اذن خاص نصايبو ليهوم تهم كبيرة باش العفو يولي عندو معنى ؟؟؟ اوكي .. تعيا تخمم و تتسطى بصح .. دولة الننننمم ..
** سليمان **

Commenter cet article

Archives

Nous sommes sociaux !

Articles récents