Overblog Suivre ce blog
Editer l'article Administration Créer mon blog

 Réda Almoussaoui

Réda Almoussaoui

حب .. نبيذ و صلاة للشاعر المغربي رضا الموسوي


علاش ما تكونش الضمسة صحيحة

Publié par Réda Almoussaoui sur 6 Juin 2017, 01:57am

Catégories : #مقالة

علاش ما تكونش الضمسة صحيحة

مثلا .. 
غدا يخطب الماليك ..
يا هادوك ريافة ان الوطن غفور رحيم و لي دار شي زبلة فيكوم ماشي مشكيل يجي يدخل تحت جناحنا .. و بطبيعة الحال غادي نديرو ليكوم السبيطار د السرطان و شي جامعة تمة ف برق ماتقشع و نجيبو استثمارات مادايراش فحال هاديك د ميات مليار 100 لي كنا قلنا ف الصحرا شي وقت .. ولا فحال ديك النفط و الزيت ديال تالسينت الموهيم كلشي غادي كون بيخير و راه حنا سامحناكوم خودو الدراري ديالكوم يحفظو النشيد الوطني مزيان .. و الله الوطن الماليك ..
مثلا ..
واش بهاد الخطاب واخا ممكن نسبقوه بوساطات تقد تكون محترمة من الناس واش داوينا الجرح د الريف و د البلاد .. واخا ممكن نديرو مثلا حسن اوريد مثلا و مثلا عاوتاني الوزير زيان كوساطات مقبولة ف الريف ، واش نعوضوا ماوقع ف 60 سنة و اكثر واش صافي البلاد تولي بيخير .. صافي خطاب واحد و ننتاقلو لدولة ديموقرلاطية زعمة المعقول و يولي القانون و ممكن نديرو دستور جديد و الاستفتاء و نعم و عاش عاش .. واش صافي سالينا ؟؟
اجي .. 
الى بقات هاد الاحزاب كيف ما هي سرطان كينخر البلاد .. و الى بقات مافيا الاقتصاد و مرجان و الهولدينج الملكي اخطبوط كاينهش مصارن الشعب .. و الى بقا اخنوش و الهمة و الماجيدي و بن سليمان و الحموشي و كل هادو لي ماعرفينش ف السياسة و الامن الا نمودج الدولة الفاسدة واش بيهوم ممكن ننتاقلو الى دولة ديموقراطية معافاة متصالحة مع ذاتها .. المستحيل هادا ؟؟؟
اجي .. 
علاش ما تكونش الضمسة صحيحة و ماشي نضحكو على الشعب بالمصالحة و الحقيقة و الانصاف و ف الاخير ندجنو الجميع و نشريو الجميع و نبيعو الجميع و نرجعو لدولة الرصاص .. خاص الوجوه المعفنة تغبر بصح من وجه الشعب و الكمامر المعفنة تختفي لانها كاتجيب الضيقة للامة .. خاص بصح يتخلخل هاداك الدستور و بنية سليمة ماشي نركبو على اللحظة ندوزو عشرين 20 فبراير بالعدالة و التمية و ندوزو حراك الريف بالشبة و الحرمل و التباخير ممكن يكون فيها حسن اوريد او العدل و الاحسان او اليوسفي و بنسعيد ايت يدر .. خاص الصدق يكون و مصالحة حقيقية مع الشعب ..
خاص دستور شعبي ديموقراطي متوافق عليه بين الجميع و لا اظن مغربيا عندو مشكل الآن مع الملكية و شخص الملك .. لكن المشكل ف شكل و عمق النظام يعني الدولة العميقة لي كتحصي الانفاس و تسير كل شيء وا بزاااف .. هادا الى بغينا ندوزو باقل الاضرار و دون جروح عميقة قد لا تنفع معها كل مصالحات الدنيا اذا مست الاعراض و الشرف و الهوية فاهل الريف ماشي ولاد سبليون و هادوك لي قالوها للمعتقل الزفزافي و رفاقو خاصهوم محاكمات علنية و ادانة رسمية و الا سيكون راي الدولة من الريف هو هذا و هذا لا يقبله احد ..
اجي ..
اجيو نفكرو جميع شنو مقدمات الحل و شنو مطلوب حقا من الجميع من اجل تسوية تاريخية و ليس ترقيع سينفجر بعد عدة سنين ..
سلام ..
*** سليمان الهواري / رضا ***

Pour être informé des derniers articles, inscrivez vous :

Commenter cet article

Archives

Nous sommes sociaux !

Articles récents