Overblog Suivre ce blog
Editer l'article Administration Créer mon blog

 Réda Almoussaoui

Réda Almoussaoui

حب .. نبيذ و صلاة للشاعر المغربي رضا الموسوي


صباحْ الصبرّْ .

Publié par Réda Almoussaoui sur 1 Juillet 2017, 10:25am

Catégories : #شعر

صباحْ الصبرّْ .
صباحْ الصبرّْ .
صباحْ الصبرّْ .
صباحْ الصبرّْ .
صباحْ الصبرّْ .
صباحْ الصبرّْ .
صباحْ الصبرّْ .
صباحْ الصبرّْ .
صباحْ الصبرّْ .
صباحْ الصبرّْ .
صباحْ الصبرّْ .

صباحْ الصبرّْ .. 
*********
صباحْ الصبرّْ.. 
العينين مزروعة ف الجمرْ
شي قهرُو طرف د الخبز
و شي سرق البلاد .. 
ملاينْ هِيّ خبّاها مُور البحرْ..
قالْ حقّة الصحرا هِيَ .. 
قالْ هِيَ التنمية .. 
ما فبالناش عِصابة هِيَ
فُوقاش كان الحشيش عندنا قضية .. 
هادي الشفرة هيَ ..
عِصابة جمعات خيرات البلادْ .. 
كْوشاتْ على تحويشت العمرْ
صباحْ الصبرّْ
العينين مزروعة ف الجمرْ
أجي ..
أشْ الفرق بينا حْنا 
و بين هادوك لي ف القبرْ
مْنينْ تتعشا .. مُوحالْ تفطرْ
مْنينْ تتمشي .. مُوحال توصلْ .. 
تقدر تحصلْ ..
غادي وْ حاضي .. عصابة هادي .. 
هادي بلاد الغدرْ
ياكْ الصّابة كالُوها 
كلّ ما زرعنا حْلامَة نتفوها
بِينْ الله و بينهوم أشْ الفرق 
ياكْ هُوما سيدنا قدرْ
أجي ..
ياكْ سمعتو ب ”باناما بيبرز” 
و داكشي د القصر
الإمارة و التجارة
باطويات هي .. شلا فيلات هي .. 
ملايير هي تسربات قبل طلوع الفجرْ
قبل الموذن ما يودن 
و قبل ما بلاد الخليج تخبي موال العفن
خمس طوان ذهب كل عام من داك الاصفرْ
و اولياء الله عندنا
ضامسين شي ف شي
بين الشفع و الوتر
بلاد المخزن و الغاشي 
بلاد الشيخات و التعارج و تحراكْ الشواشي
يعاودو لينا خرايف التماسيح 
و هادو الذياب و الفيولة دكو البلاد 
حتى خرجات مصارنها 
ريحة زمرها عطات 
شكون يقد يهضر
شكون يقد يحرك عينيه ف وجه الليل
شكون يقد يهز سيوفت الشفر
صباحْ الصبرّْ
العينين مزروعة ف الجمرّْ
شكون يقدّ يهضرْ
*** سليمان الهواري / رضا ***

Commenter cet article

Archives

Nous sommes sociaux !

Articles récents