توحشتك
******
توحشتك
واحق ..
الخطوطة لي ف كف يديك
واحق ترعيدة شفايفك
وانا لساني
يكتب حلامو تحت ودنيك
واحق خواصرك
و البحر والطريق
والما يدي الما فيك
واحق لي بيا و بيك
واحق يدي واكلها العطش
تكتب حجاية بين سواريك
توحشتك
واحق هادا لي تحت ضلوعي
يسبح سميتك
كل ما قلت نوقف
يزيدني خطوة ليك
واحق الضو
لي شاعل فيا من عينيك
واحق الكحل
السايل ف خدودك
قطرة قطرة ينزل ف حلقي
يخلط ريقك ف ريقي..
انا بايعتك ..
كلي انا ليك
توحشتك
واحق سلامك ..
واحق كلامك ..
وا حق هيامك
واحق حضنك ف حضني
فاش سرقتيني مني
وزرعتيني فيك
واحق لي ليه الحق
ياك الحب حق
انا كنعشقك ..
كانحبك ..
كنموت فييك
توحشتك
***رضا الموسوي***